എല്ലാവരും കുളിക്കാറുണ്ട്. ചിലര് രണ്ട് നേരവും കൃത്യമായി കുളിക്കുന്നവരായിരിക്കും. എന്നാല്, ചിലരാകട്ടെ ഒരു നേരം മാത്രമായിരിക്കും കുളിക്കുന്നത്. നമ്മള് എത്രനേരം കുളിച്ചാലും ശരി, അതൊന്നും പ്രശ്നമല്ല. പക്ഷേ, നമ്മള് കുളിക്കുമ്പോള് എവിടെയെല്ലാം ക്ലീന് ആക്കുന്നു എന്നത് ഒരു പ്രശ്നം തന്നെയാണ്.
കുളിക്കുമ്പോള് ഈ മൂന്നേ മൂന്ന് ശരീരഭാഗം വൃത്തിയാക്കുവാന് മറക്കല്ലേ!!!
നമ്മള് സിനിമയിലെല്ലാം കണ്ടിട്ടുണ്ടാകും ദേഹം മുഴുവന് സോപ്പും പതപ്പിച്ച് നില്ക്കുന്ന താരങ്ങളെ. പലരും ഇത്തരത്തില് തന്നെയാണ് കുളിക്കുന്നത്. ഇങ്ങനെ തല മുതല് പെരുവിരല് വരെ സോപ്പ് തേച്ച് കിളിച്ചില്ലെങ്കില് ഒട്ടും വൃത്തിയായില്ല എന്ന് നോത്തുന്നവര് വരെയുണ്ട്. സത്യത്തില് നമ്മള് കുളിക്കുമ്പോള് എല്ലാ ഭാഗത്തും സോപ്പ് തേക്കേണ്ടത് അനിവാര്യമാണോ?
സത്യം പറഞ്ഞാല് നമ്മള് കുളിക്കുമ്പോള് ശരീരത്തിന്റെ എല്ലാഭാഗത്തും സോപ്പ് തേയ്ക്കേണ്ട ആവശ്യം ഇല്ല എന്നാണ് പറയുന്നത്. നമ്മളുടെ കക്ഷം, ഇടുപ്പ്, കാല് എന്നിവയാണ് പ്രധാനമായും നമ്മള് വൃത്തിയാക്കേണ്ട ഭാഗങ്ങള്.
യൂണിവേഴ്സിറ്റി ഓഫ് ടോറന്റോയിലെ ഡെര്മെറ്റോളജി വിഭാഗം അസിസ്റ്റന്റ് പ്രഫസര് സിന്ഡി സ്കോട്ട്നിക്കിയുടെ അഭിപ്രായത്തില് നമ്മള് തലമുതല് പാദം വരെ സോപ്പും വെള്ളവും ഉപയോഗിച്ച് ക്ലീന് ആക്കിയാല് ഇത് എക്സിമ പോലുള്ള സ്കിന് കണ്ടീഷനുകളിലേയ്ക്ക് നയിക്കും എന്നാണ് പറയപ്പെടുന്നത്.
കാരണം, നമ്മള് നമ്മളുടെ ശരീരം മൊത്തം സോപ്പും ഇട്ട് പതപ്പിച്ച് കുളിച്ച് കഴിഞ്ഞ് എത്തുമ്പോഴേയ്ക്കും നമ്മളുടെ ശരീരത്തില് ആവശ്യമായിട്ടുള്ള നല്ല ബാക്ടീരിയകള് പോലും ഇല്ലാതാകുന്ന അവസ്ഥയാണ്. പ്രത്യേകിച്ച് ആന്റിസെപ്റ്റിക് സോപ്പ് ഉപയോഗിക്കുന്നത് ഒട്ടും നല്ലതല്ല. ശരീരത്തില് രോഗങ്ങള് വരാതിരിക്കുവാനുള്ള ബാക്ടീരിയ.കളെപ്പോലും ഇവ ഇല്ലാതാക്കുകയും ഇത് പെട്ടെന്ന് അസുഖം വരുവാന് കാരണമാവുകയും ചെയ്യുന്നു.
2018-ല് സയന്സ് അഡ്വാന്സസ് എന്ന മാഗസീനില് പ്രസിദ്ധീകരിച്ച പഠനപ്രകാരം നമ്മളുടെ ചര്മ്മത്തില് നല്ല ബാക്ടീരിയകള് ഉണ്ട്. ഇവ സ്കിന് കാന്സര് പോലുള്ളത് വരുവാനുള്ള സാധ്യത കുറയ്ക്കുവാന് സഹായിക്കുന്നവയാണ്.
എന്നാല്, നമ്മള് സ്ഥിരമായി പതപ്പിച്ച് സോപ്പും തേച്ച് കുളിക്കുമ്പോള് ഈ ബാക്ടീരിയ നമ്മളുടെ ശരീരത്തില് നിന്നും പോകുന്നതിന് കാരണമാകുന്നു. അതുകൊണ്ട്, കക്ഷം, കാല്, ഇടുപ്പ് എന്നിവിടങ്ങളില് വൃത്തിയാക്കുകയും ബാക്കി ഭാഗങ്ങളില് വെള്ളം ഒഴിച്ച് കഴുകിയാല് മതിയാകും.
നമ്മളുടെ ശരീരത്തിലെ ഏറ്റവും ലോലമായ, മൃദുവായ സ്കിന് ഉള്ള ഭാഗങ്ങളാണ് കക്ഷവും ഇടുപ്പുകളും അതുപോലെ, കാല്പാദവും. അതുകൊണ്ടുതന്നെ ഈ ഭാഗങ്ങളില് വേഗത്തില് ബാക്ടീരിയകളും ഫംഗസും വരുവാനുള്ള സാധ്യതയും കൂടുതലാണ്. ഇത് പലതരത്തിലുള്ള ബുദ്ധിമുട്ടുകളിലേയ്ക്കും നയിച്ചെന്നും ഇരിക്കാം. ഇത്തരത്തില് പ്രശ്നങ്ങള് ഇല്ലാതിരിക്കുവാനും നല്ല ആരോഗ്യത്തോടെ ഇരിക്കുവാനുമാണ് ഈ ഭാഗങ്ങള് മാത്രം ക്ലീന് ആക്കണം എന്ന് പ്രത്യേകം പറയുന്നത്.
0 Comments
Thanks