മുഖകാന്തി കൂട്ടാൻ ആയുർവേദം നൽകുന്നു ഈ കാര്യങ്ങൾ

     

ചർമ്മസംബന്ധമായ ഏതൊരു പ്രശ്നങ്ങൾക്കും ഉള്ള പരിഹാരം ആയുർവേദത്തിലുണ്ട് എന്നാണ് പൊതുവേ പറയപ്പെടുന്നത്. നിങ്ങളുടെ ചർമ്മത്തെ പരിപോഷിപ്പിക്കാൻ സഹായിക്കുന്ന 6 ആയുർവേദ സസ്യജാലങ്ങളെ കുറിച്ചറിയാം

ആരോഗ്യമുള്ളതും തിളക്കമാർന്നതുമായ ചർമ്മം സ്വന്തമാക്കാൻ ആഗ്രഹിക്കാത്തവരായി ആരുണ്ട് ? എന്നാൽ ഏറ്റവും ദുഖകരമായ ഒരു വസ്തുത എന്തെന്നാൽ ഇന്ന് വിപണികളിൽ ലഭ്യമായ എല്ലാത്തരം സൗന്ദര്യവർദ്ധക വസ്തുക്കളും ഒന്നുകിൽ വളരെ ചെലവേറിയതായിരിക്കും. അതല്ലെങ്കിൽ ചർമ്മത്തിലിവ കൂടുതൽ പ്രതികരണങ്ങൾക്കും പ്രകോപനങ്ങൾക്കും ഇടയാക്കി മാറ്റുകയും ചെയ്തേക്കാം. കഠിനമായ രാസവസ്തുക്കൾ ഇവയിൽ അടങ്ങിയിട്ടുള്ളത് ചർമത്തിൽ പ്രകോപനങ്ങളിലേക്ക് നയിക്കുന്നു. അപ്പോൾ പിന്നെ എന്താണ് ഇതിനൊരു പരിഹാരമെന്ന് ചിന്തിക്കുകയാണോ?

ഇതിനുള്ള പരിഹാര മാർഗങ്ങൾ പ്രകൃതി തന്നെ നമുക്ക് വരദാനമായി നൽകിയിട്ടുണ്ട്. പുറത്തു നിന്നും എത്രത്തോളം വിലയേറിയ ഉൽപന്നങ്ങൾ വാങ്ങി ഉപയോഗിച്ചാലും അത് പ്രകൃതിദത്തമായതിനേക്കാൾ ഫലപ്രദമാകില്ല. കാരണം ഇവയിൽ‌ ഒട്ടും തന്നെ രാസവസ്തുക്കൾ‌ അടങ്ങിയിട്ടുണ്ടാവില്ല. മാത്രമല്ല, മറ്റെന്തിനേക്കാളും കൂടുതൽ ഇവ നമ്മുടെ ചർമത്തിന് ഗുണം ചെയ്യുകയും ചെയ്യും. നിങ്ങളുടെ മുഖത്തിൽ മാന്ത്രീകത പ്രവർത്തിക്കാൻ ശേഷിയുള്ള ആറ് ആയുർവേദ സസ്യങ്ങളെ ഇന്ന് പരിചയപ്പെടാം.

*1 നെല്ലിക്ക*

നെല്ലിക്ക പണ്ടുകാലം മുതൽക്കേ ആയുർവേദം ശുപാർശ ചേയ്യുന്ന പ്രധാന ചേരുവകളിൽ ഒന്നാണ്. ഇതിലടങ്ങിയിരിക്കുന്ന വിറ്റാമിൻ സി പോഷകങ്ങൾ ചർമ്മത്തിന് ആവശ്യകമായ ഒട്ടനവധി ഗുണങ്ങളെ നൽകുന്നു. ആൻറി ഓക്സിഡൻറുകളാൽ സമ്പുഷ്ടമായ ഇത് നിങ്ങളുടെ ചർമ്മത്തിലെ ചുളിവുകളും പാടുകളും കുറയ്ക്കുന്ന ഒരു ആന്റി-ഏജിംഗ് ചേരുവയായി പ്രവർത്തിക്കും . ആരോഗ്യകരമായ ചർമ്മ സ്ഥിതിയെ പ്രോത്സാഹിപ്പിക്കുകയും വാർദ്ധക്യത്തിന്റെ ലക്ഷണങ്ങളെ കുറയ്ക്കുകയും ചെയ്യുന്നതോടൊപ്പം ഇത് ചർമ്മത്തെ മൃദുലമാകാനും ആരോഗ്യകരമായ തിളക്കം പകരാനും സഹായിക്കുന്നു. പ്രകൃതിദത്താ അഡാപ്റ്റോജെനിക് ഗുണങ്ങൾ കൂടിയതാണ് നെല്ലിക്ക. ഇത് അമിത സമ്മർദ്ദങ്ങളുണ്ടാക്കുന്ന പാർശ്വഫലങ്ങളിൽ നിന്ന് ചർമ്മത്തെ സംരക്ഷിക്കുന്നു.

*2 തുളസി*

ഔഷധഗുണങ്ങളാൽ സമ്പന്നമായ തുളസി മുഖത്തെ ചുളിവുകൾ, നേർത്ത വരകൾ എന്നിവയ്ക്കെതിരേ പോരാടിക്കൊണ്ട് വാർദ്ധക്യത്തിന്റെ അടയാളങ്ങളെ കുറയ്ക്കുന്നതിന് സഹായിക്കുന്നു. ഇത് ചർമ്മത്തിന് പോഷണം നൽകുക മാത്രമല്ല, ചർമ്മത്തിന് മൃദുലമായ ഫിനിഷിങ്ങും രൂപഘടനയും നൽകിക്കൊണ്ട് ചർമ്മസ്ഥിതി മെച്ചപ്പെടുത്താൻ സഹായിക്കും. ഈ കാരണങ്ങളെല്ലാം കൊണ്ടുതന്നെ ചർമ്മത്തിന് ഏറ്റവും അനുയോജ്യമായ സസ്യങ്ങളിൽ ഒന്നായി തുളസിയെ ഉൾപ്പെടുത്താം

*3 ജിൻസെങ് പ്ലാൻ്റ്*

കൊറിയൻ, ജാപ്പനീസ് സ്കിൻ‌കെയർ മേഖലയിൽ ജിൻ‌സെംഗ് പ്ലാൻ്റ് ഏറ്റവും പ്രചാരത്തിലുള്ളതാണ്. ഇതിൽ ഫൈറ്റോകെമിക്കലുകൾ ഉയർന്ന അളവിൽ അടങ്ങിയിട്ടുണ്ട്. വാർദ്ധക്യത്തിന്റെ ചർമ്മ ലക്ഷണങ്ങളുമായി പോരാടുന്നതിന് ഏറ്റവും മികച്ചതാണ് ഇതിലെ പോഷകങ്ങൾ. സൂര്യപ്രകാശം ചർമ്മത്തിൽ വരുത്തി വയ്ക്കുന്ന പ്രശ്നങ്ങളെ കുറയ്ക്കാനും ജിൻസെംഗ് പ്ലാൻ്റ് ഏറ്റവും മികച്ചതാണെന്ന് പറയപ്പെടുന്നു.

*4 അശ്വഗന്ധ*

മനസ്സിൻ്റെ സമ്മർദ്ദം കുറയ്ക്കുന്ന ഗുണങ്ങൾക്ക് പേരുകേട്ടതാണ് അശ്വഗന്ധ. എന്നാൽ ഇത് ചർമ്മത്തിന് നൽകുന്ന ഗുണങ്ങളെപ്പറ്റി പലർക്കും അറിവില്ല. ആൻറി ഓക്സിഡൻറുകളാൽ സമ്പന്നമായ അശ്വഗന്ധ ചർമ്മത്തിലെ ഫ്രീ റാഡിക്കലുകളുടെ ആക്രമണത്തെ ചെറുത്തു നിർത്തുന്നു. അശ്വഗന്ധയുടെ പതിവായുളള ഉപഭോഗത്തിലൂടെ നിങ്ങൾക്ക് യുവത്വവും തിളക്കവുമാർന്ന ചർമ്മസ്ഥിതി ലഭിക്കും. ആയുര്‍വേദ ചികില്‍സകളിൽ അവശ്യഘടകമാണ് അശ്വഗന്ധ. ഇതിൻ്റെ ഉപയോഗം പ്രമേഹം, രക്തസമ്മര്‍ദ്ദം, വാതരോഗങ്ങള്‍, വിഷാദരോഗം എന്നിവയു കുറയ്ക്കാൻ സഹായിക്കും. നിങ്ങളുടെ ദൈനംദിന ജീവിതക്രമത്തില്‍ ഇത് കൂടി ഉള്‍പ്പെടുത്തുന്നത് വഴി ആരോഗ്യകരവും സന്തുഷ്ടകരവുമായ ചർമ്മസ്ഥിതി ഉണ്ടാകുമെന്നുറപ്പാണ്.

*5 മഞ്ഞൾ*

      𝓐 𝓹𝓸𝓼𝓽 𝓫𝔂 𝓡𝓪𝓳𝓲

മഞ്ഞളിൻ്റെ ഉപയോഗം ഒരാൾക്ക് നൽകുന്ന പ്രയോജനങ്ങളെ പറ്റി പറഞ്ഞാൽ തീരില്ല. ചർമ്മ പരിപാലനത്തിന് മാത്രമല്ല ആരോഗ്യ കാര്യത്തിലും ഈ സസ്യം എണ്ണമറ്റ ഗുണങ്ങൾ നൽകുന്നു. പ്രകൃതി വരദാനമായി നൽകിയിരിക്കുന്ന ഏറ്റവും ഗുണമാർന്ന സസ്യങ്ങളിൽ ഒന്നായ മഞ്ഞൾ രോഗപ്രതിരോധക ശേഷിയെ സ്വാധീനിക്കുന്നത് മുതൽ ആരോഗ്യവും തിളക്കവുമുള്ള ചർമ്മസ്ഥിതി നൽകുന്നതിന് വരെ സഹായിക്കും. മഞ്ഞളിൽ അടങ്ങിയിരിക്കുന്ന കുർക്കുമിൻ ഘടകങ്ങൾക്ക് ആന്റി-ഏജിംഗ് ഗുണങ്ങളുണ്ട്. ഇത് ചർമ്മത്തിന് ചെറുപ്പം പകരുന്നു. അതിനാൽ തന്നെ നിങ്ങളുടെ ഭക്ഷണക്രമ ശീലത്തിൽ മഞ്ഞൾ ഉൾപ്പെടുത്തുന്നത് വഴി ആരോഗ്യത്തെ മാത്രമല്ല സൗന്ദര്യത്തെയും മെച്ചപ്പെടുത്താൻ സാധിക്കും.

*6 ചിറ്റമൃത്*

ഇതിലെ രോഗപ്രതിരോധ ശേഷിയുടെ സ്വഭാവസവിശേഷതകൾ കാരണം ഈ ദിനങ്ങളിൽ ഏറ്റവും ജനപ്രീതി നേടിക്കൊണ്ടിരിക്കുന്ന ഒരു സസ്യമാണ് ചിറ്റമൃത്. നൂറ്റാണ്ടുകളായി ആയുർവേദത്തിൽ ചിറ്റമൃത് ഉപയോഗിച്ചു വരുന്നുണ്ട്. നിരവധി രോഗങ്ങളെ ഈ സസ്യം അകറ്റുമെന്നാണ് പറയപ്പെടുന്നത്. രോഗപ്രതിരോധ ശക്തി വർധിപ്പിക്കാനും രക്തം ശുദ്ധീകരിച്ച് ശരീരത്തിൽ നിന്നു വിഷാംശത്തെ പുറന്തള്ളാനും ചർമ്മ കോശങ്ങളെ പുനരുജ്ജീവിപ്പിക്കാനും വീക്കത്തെ നേരിടാനും സഹായിക്കുന്ന ആൻറി ഇൻഫ്ലമേറ്ററി ഗുണങ്ങൾ ഇതിലുണ്ട്. ഇത് നിങ്ങളുടെ ചർമ്മത്തിന് നല്ല തിളക്കം പകരാൻ സഹായിക്കും.