ഒറ്റ മൂലികൾ

🔘തുമ്മലിന്

തുമ്മലിന് പൂവാങ്കുറുന്നില, കരിംജീരകം എന്നിവയിട്ട് മൂപ്പിച്ചരിച്ച വെളിച്ചെണ്ണ തേച്ച്‌ കുളിക്കുക. രാസ്നാദി പൊടി തിരുമ്മുക. ചുക്ക്, കുരുമുളക്, തിപ്പല്ലി, പൂശ്ക്കരമൂലം എന്നിവ പൊടിച്ച്‌ കിടക്കുന്നതിനു മുമ്ബ് കഴിക്കുക.

🔘ചുമയ്ക്ക്:

ചുവന്നുള്ളി ചെറുതായി അരിഞ്ഞ് കല്‍‍ക്കണ്ടം കൂട്ടി സേവിക്കുന്നതും, കുരുമുളകു പൊടിച്ചെടുത്തു തേനില്‍‍ ചാലിച്ച്‌ സേവിക്കുന്നതും ചുമയ്ക്ക് ആശ്വാസം കിട്ടുന്നതിന് നല്ലതാണ്.

🔘മഴക്കാലരോഗങ്ങള്‍

തുളസിയില, കുടങ്ങല്‍‍ സമൂലം, കുരുമുളക്, ചുക്ക്, ജീരകം, മല്ലി ഇവ ചേര്‍ത്ത് കഷായം വെച്ച്‌ ദിവസേന രണ്ടുനേരം കഴിക്കുന്നത് മഴക്കാലരോഗങ്ങള്‍‍ വരാതിരിക്കാന്‍ സഹായിക്കും.

🔘ആസ്തമാ രോഗികള്‍ക്ക്

തുളസിനീരില്‍‍ സമം തേനും അല്പം ചെറുനാരങ്ങാനീരും ചേര്‍ത്ത് പലപ്രാവശ്യം കഴിക്കുന്നത് ആസ്തമാ രോഗികള്‍ക്ക് നല്ലതാണ്.

🔘പനി

ചുക്ക്, രാമച്ചം, മുത്തങ്ങ, ചിറ്റാമൃത്, ജീരകം ഇവ ചേര്‍ത്ത് കഷായം വെച്ച്‌ കഴിച്ചാല്‍‍ പനി മാറുന്നതാണ്.

🔘വളംകടി

തെങ്ങിന്റെ തൊലി ഉണക്കിപ്പൊടിച്ച്‌ എണ്ണ കാച്ചി തേച്ചാല്‍ വളംകടി ശമിക്കും.

🔘അജീര്‍ണ്ണം

അയമോദകം വറുത്ത് പൊടിച്ച്‌ മോരില്‍‍ ചേര്‍ത്ത് കഴിച്ചാല്‍ അജീര്‍ണം മാറും.

🔘പനി, ശ്വാസം മുട്ടല്‍

ഒരു ടീസ്പൂണ്‍ ഇഞ്ചിനീരും സമം ഉള്ളിനീരും അല്പം തേനും ചേര്‍ത്ത് കഴിക്കുന്നത് പനി, ശ്വാസം മുട്ടല്‍ തുടങ്ങിയവ ശമിപ്പിക്കും.

🔘നേത്രപടലരോഗം

നന്ത്യാര്‍വട്ടത്തിന്റെ കായ ഇടിച്ചെടുത്ത ചാറ് വേപ്പിലച്ചാറില്‍‍ ചാലിച്ച്‌ കണ്ണില്‍‍ എഴുതിയാല്‍‍ നേത്രപടലത്തിനുണ്ടാകുന്ന രോഗങ്ങള്‍‍‍‍‍ മാറിക്കിട്ടും.

🔘കണ്ണിന്‌ ചുവപ്പ്‌

പൂവാംകുറന്തല്‍ തേനും ചേര്‍ത്ത് 2 തുള്ളി വീതം ഉപയോഗിക്കുക.

🔘ജ്വരം

ഞെരിഞ്ഞില്‍, വയമ്ബ്, കടുക്കത്തോട്, കടുക്, കുന്തിരിക്കം എന്നിവയോടൊപ്പം വേപ്പിലയും നെയ്യും ചേര്‍‍ത്ത് ഒരു ചട്ടിയില്‍‍ തീക്കനലിട്ട് മീതെ കുറേശ്ശെ പൊടിയിട്ട് പുകയേല്‍ക്കുന്നത് ജ്വര ബാധിത രോഗികള്‍‍ക്ക് അത്യുത്തമമാണ്.

🔘ഇക്കിള്‍

തുമ്ബപ്പൂവരച്ച്‌ മോരില്‍ സേവിക്കുക.

🔘മുഖക്കുരു

തുളസിനീര് മുഖത്ത് പുരട്ടുക.

🔘വിളര്‍ച്ച

കുരുമുളകിട്ട് പാല്‍ തിളപ്പിച്ച്‌ കുടിച്ചാല്‍ വിളര്‍ച്ച മാറും.

🔘മോണരോഗം

ഇഞ്ചിനീരില്‍ ഉപ്പ് ചേര്‍ത്ത് കവിള്‍ കൊണ്ടാല്‍ മോണരോഗം ശമിക്കും.

🔘ശരീരവേദന

പുത്തരിചുണ്ടയുടെ വേര് തിളപ്പിച്ച്‌ കുടിക്കുക.

🔘വട്ടച്ചൊറി

പച്ചപപ്പായയുടെ പാല്‍ പുരട്ടുക.

🔘മനംമറിച്ചില്‍

ചെറുനാരങ്ങാനീരില്‍ അല്പാല്പമായി കഴിക്കുക. ജീരകമോ തുളസിയിലയോ ചവച്ച്‌ നീരിറക്കുക, ഇഞ്ചിനീര് തേന്‍ ചേര്‍ത്ത് കഴിക്കുക.

*#നല്ലൊരു വൈദ്യനാണ് ഏറ്റവും നല്ല മരുന്ന്#രോഗികള്‍ എത്രയും പെട്ടെന്ന് വൈദ്യസഹായം തേടുക#*

📍📍📍📍📍📍📍📍📍📍📍