കുരുമുളക് ചതച്ചിട്ട് വെള്ളം തിളപ്പിച്ചു കുടിയ്ക്കൂ, കാര്യം

പല നാടൻ ഔഷധക്കൂട്ടുകളിലും കുരുമുളക് ഒരു പ്രധാന ചേരുവയാണ്. കാരണം പല തരത്തിലുള്ള ആരോഗ്യ പ്രശ്നങ്ങൾക്കുമുള്ള പരിഹാരമാണിത്.

 

ആരോഗ്യത്തിന് സഹായിക്കുന്നതില്‍ ഭക്ഷണങ്ങളുടെ പങ്ക് പ്രധാനമാണ്. ആരോഗ്യം കളയാനും നന്നാക്കാനും ഇത് സഹായിക്കുന്നു. ചില ഭക്ഷണങ്ങള്‍ ചില പ്രത്യേക രീതിയില്‍ കഴിയ്ക്കുന്നത് ആരോഗ്യകരവും ചില പ്രത്യേക രീതിയില്‍ അനാരോഗ്യകരവുമാണ്. 

ചില ചെറിയ ചേരുവകളായിരിയ്ക്കും ചിലപ്പോള്‍ ആരോഗ്യ ഗുണങ്ങള്‍ നല്‍കുക. 

ഇത്തരത്തില്‍ ഒന്നാണ് കുരുമുളക്. 

ഇത് ദിവസവും അല്‍പം വെള്ളത്തില്‍ കലര്‍ത്തി കുടിയ്ക്കുന്നത് നല്‍കുന്ന ഗുണങ്ങള്‍ പലതാണ്. 

ഇതിട്ട് തിളപ്പിച്ച വെള്ളവും നല്ലതു തന്നെ. 

കുരുമുളക് ചതച്ചിട്ട് വെള്ളം തിളപ്പിച്ച് കുടിയ്ക്കാം. 

ഇതിലെ പെപ്പറൈന്‍ എന്ന ഘടകമാണ് കുരുമുളകിന് ഗുണങ്ങള്‍ പ്രധാനമായും നല്‍കുന്നത്.

*തടി കുറയ്ക്കാന്‍*

തടി കുറയ്ക്കാന്‍ ശ്രമിയ്ക്കുന്നവര്‍ക്ക് പരീക്ഷിയ്ക്കാവുന്ന ഒന്നാണ് കുരുമുളക് ചതച്ചിട്ട് തിളപ്പിച്ച വെള്ളം. 

ഇത് ശരീരത്തെ ചൂടാക്കുന്നു. ശരീരത്തിന്റെ അപചയ പ്രക്രിയ ശക്തിപ്പെടുത്തുന്നു. ശരീരത്തിലെ അനാവശ്യ കൊഴുപ്പ് നീക്കുന്നു. ടോക്‌സിനുകള്‍ നീക്കുന്നു. കൊളസ്‌ട്രോള്‍ പോലുള്ള പ്രശ്‌നങ്ങള്‍ക്കുള്ള നല്ലൊരു പരിഹാരം കൂടിയാണ് കുരുമുളക് വെള്ളം.

*ദഹനാരോഗ്യത്തിനും*

ദഹനാരോഗ്യത്തിനും മികച്ചതാണ് കുരുമുളക്. ഇത് ദഹന രസം കൂടുതല്‍ ഉല്‍പാദിപ്പിയ്ക്കാന്‍ സഹായിക്കുന്നു. 

കുരുമുളക് കഴിക്കുന്നത് വഴി വായുക്ഷോഭം, ദഹനമില്ലായ്മ, മലബന്ധം, അതിസാരം, അസിഡിറ്റി ഈ പ്രശ്നങ്ങളെയെല്ലാം അതിജീവിക്കാം.

കുരുമുളക് ഉപയോഗിക്കുമ്പോള്‍ ഉദരത്തില്‍ കൂടുതല്‍ ഹൈഡ്രോക്ലോറിക് ആസിഡ് ഉല്‍പാദിപ്പിയ്ക്കപ്പെടുന്നു. പ്രോട്ടീനുകളെയും, മറ്റ് ഭക്ഷണസാധനങ്ങളെയും ദഹിപ്പിക്കാന്‍ ഈ ആസിഡ് അനിവാര്യമാണ്.

*കോള്‍ഡ്, പനി*

ഇതിന് പ്രതിരോധശേഷിയുമുണ്ട്. കോള്‍ഡ്, പനി പോലുള്ള പ്രശ്‌നങ്ങള്‍ക്കായി കുരുമുളക് കാപ്പി പ്രധാനമാകുന്നതിന് പുറകില്‍ ഇതാണ്. 

പെപ്പറൈന് പുറമെ ഫ്ലേവനോയ്ഡുകള്‍, കരോട്ടിനുകള്‍, വൈറ്റമിന്‍ സി, വൈറ്റമിന്‍ എ, ആന്‍റി ഓക്സിഡന്‍റുകള്‍ എന്നിവയും കുരുമുളകില്‍ അടങ്ങിയിരിക്കുന്നു. കുരുമുളകിലെ ആന്‍റി ബാക്ടീരിയല്‍ ഘടകങ്ങളാണ് ഇത് സാധ്യമാക്കുന്നത്. കുരുമുളകിന്‍റെ തീവ്രതയും, എരിവും കഫം നീക്കം ചെയ്യാനും സഹായിക്കും. 

ഇത് പെട്ടന്ന് തന്നെ മൂക്കിലെ കഫം അയച്ച് ശ്വാസോഛാസം സുഗമമാക്കും.

രാത്രി കിടക്കാന്‍ നേരത്ത് ഇത്തരം കുരുമുളക് വെള്ളം കുടിയ്ക്കുന്നത് മൂക്കടപ്പ് പോലുള്ള പ്രശ്‌നങ്ങള്‍ ഉള്ളവരെങ്കില്‍ പരിഹാരമാകുന്നു.

*ക്യാന്‍സര്‍*

ഇതിലെ പെപ്പറൈന്‍ എന്ന ഘടകം ക്യാന്‍സര്‍ അടക്കമുള്ളവയെ പ്രതിരോധിയ്ക്കാന്‍ സഹായകമാണെന്ന് വിശ്വസിയ്ക്കപ്പെടുന്നു. 

പൈപ്പറിൻ മലാശയത്തിൽ നിന്നുള്ള ഓക്സിഡേറ്റീവ് സമ്മർദ്ദം കുറയ്ക്കുകയും വൻകുടൽ ക്യാൻസറിനുള്ള സാധ്യത കുറയ്ക്കുകയും ചെയ്യുന്നു.

 പ്രോസ്റ്റേറ്റ് ക്യാൻസറിനെതിരെയും ഇത് ഫലപ്രദമാണ്.

 പ്രോസ്റ്റേറ്റ് കാൻസർ ചികിത്സയ്ക്കായി ഉപയോഗിക്കുന്ന കീമോതെറാപ്പി മരുന്നായ ഡോസെറ്റാക്സലിന്റെ പ്രവർത്തനം ഇത് വർദ്ധിപ്പിക്കുന്നു